يابي اشتقت للنور للبسمات لوجهك الغالي للحنية
اشتقت للورد للهمسات لبيت ضيعتنا لحقل كرمتنا
لعيون عزوتنا يانور عينيي
لصوتك الدافي لعقلك الوافي لشعرك الغافي عل القامة البهية
يابي اشتقت للعيد لضحكة النجمات ولنسقي العنبات
لريحة قهوتك المرة الزكية
يابي اشتقت للعيد من غير تنهيدات من غير الذكريات
ودموع امي المخباية يهروا مرةعل حبقات
ومرة بتنهار ما بين إيدي
بحبك قد مافي بالسما نجمات
وقد مبتنضم الحروف الأبجدية
يابي يلي مثلك أبد مامات بتضل حوالينا روحك الطاهرة الزكية
كل نبضة قلب بتبعثلنا رسالات معنا إنت ؟؟؟
حيالله إجابات
منرد فيها عل الروح النقية
بي علمني قبل مامات كون حرة وطاهرة مؤمنة وضل قوية
بتأمر ياغالي بس عفيني من النهايات
حرة وطاهرة ومؤمنة بس خفت القوية
بدي صوتك لمستك وحضنك يرفعو الهمات
بدي عيونك وضحكتك ومحبتك الأبدية
بدي ترجع تحكيلي الحكايات
عن بيك وجدك وهالعيلة الأبية
علمتني إني واجه الأزمات ، ماقلت إنو فراقك محنة عصية
طالعة زور قبرك وأحسد ترابات حضنت حبيبي وكل مافيي
جنب جدي الغالي وحفيدو نيمناك ، عسى تكون هالنومة هنية
وخبرك انو إخوتي حضنوا هالبنات ياريت جبتلنا بدل الخي ميه
وحياة عيونك الغاليات مانسيناك وائل الغالي عايدك بأثمن عيدية
لعندك راح .........يمكن ماستناك تشتاق وتنادي ! هب وركب المطية
صرت وحدي شفت ليش بدي ياك ....................
اشتقتلك يابي